Besiktas vill kaupa markvörðinn Loris Karius af Liverpool þegar lánssamningur hans rennur út þarnæsta sumar.
Eftir martröð í úrslitaleik Meistaradeildarinnar í vor fór Karius til Besiktas á tveggja ára lánssamningi.
Karius hefur haldið einu sinni hreinu í átta leikjum á tímabilinu og á dögunum birtu tyrkneskir fjölmiðlar fréttir um að Besiktas væri að íhuga að senda hann til baka til Liverpool í janúar.
Fikret Orman, forseti Besiktas, hefur blásið á þessar sögusagnir og segir þýska markvörðinn ekki vera á förum.
„Karius er frábær markvörður. Ef Guð lofar þá kaupum við hann. Þessar fréttir eru algjört kjaftæði. Ég bið bara um að við gefið Karius tíma. Karius á verk að vinna en gefið honum tíma," sagði Orman.
Athugasemdir