Orel Grinfeld, frá Ísrael, dæmir leik Íslands og Belgíu í Þjóðadeildinni á fimmtudaginn.
Orel er 37 ára en hann dæmdi í síðasta mánuði leik Real Madrid og Viktoria Plzen í Meistaradeildinni sem og leik AEK Aþenu og Benfica.
Þá dæmdi hann einnig leik Finnlands og Eistlands í C-deild Þjóðadeildarinnar í haust. Leikurinn á fimmtudag verður annar leikurinn hjá Orel í Þjóðadeildinni.
Dvir Shimon og Roi Hassan verða aðstoðardómarar og þeir Eitan Shmuelevitz og Ziv Adler verða aukaaðstoðardómarar.
Íslenska landsliðið kemur saman í Belgíu í dag og tekur fyrstu æfingu fyrir leikinn síðdegis.
Athugasemdir