Hólmbert Aron Friðjónsson, framherji Álasund, var í gær verðlaunaður fyrir að vera leikmaður ársins í norsku B-deildinni eða Obos deildinni.
Hólmbert kom til Álasund frá Stjörnunni síðastliðinn vetur og var fljótur að láta til sín taka í Noregi.
Á þessu tímabili skoraði Hólmbert nítján mörk og var næstmarkahæsti leikmaður deildarinnar á eftir Tommy Hoiland hjá Viking.
Að auki lagði Hólmbert upp sjö mörk í þeim 28 leikjum sem hann spilaði.
Álasund endaði í 3. sæti í deildinni og fer í umspil um sæti í úrvalsdeildinni.
Hólmbert fékk verðlaun sin afhent fyrir 1-0 útisigur á Strömmen í lokaumferðinni í gær en þar skoraði hann sigurmarkið.
Athugasemdir
