Samningur Young rennur út næsta sumar en Jose Mourinho, stjóri United, vill ólmur halda honum eitt ár til viðbótar.

Young hóf ferilinn hjá Watford þar sem hann gerði fína hluti áður en Aston Villa keypti hann. Hann var lykilmaður í liði Villa sem skilaði honum samning hjá United.

Hann hefur leikið með liðinu í sjö ár, mest megnis sem kantmaður, en undanfarin tvö ár hefur hann fært sig í bakvörðinn. Staða sem hentar honum afar vel.

United vonast til þess að gera eins árs samning við Young eða út næsta tímabil, með möguleika á öðru ári. Hann er einn reynslumesti leikmaður liðsins en hann á 212 leiki og 16 mörk fyrir United.