Árni Snær Ólafsson og Hallur Flosason leikmenn ÍA hafa náð samkomulagi um að spila með liðinu á næstu leiktíð.
Árni Snær er uppalinn í ÍA. Hann lék sinn fyrsta leik árið 2009 en hefur verið aðalmarkvörður liðsins frá árinu 2014. Hann lék þrjá leiki á síðustu leiktíð áður en hann sleit hásin og gat því ekki verið meira með.
Hallur er einnig uppalinn á Skaganum en hann steig sín fyrstu skref með meistaraflokki árið 2011. Hann lék aðeins 8 leiki á síðustu leiktíð en hann meiddist á hendi í leik gegn Val.
ÍA leikur í efstu deild á næstu leiktíð eftir að liðið bjargaði sér frá falli á ótrúlegan hátt á síðustu leiktíð.
Knattspyrnufélag ÍA hefur náð samkomulagi við Árna Snæ Ólafsson og Hall Flosason um að spila með ÍA 2022.
— ÍA Akranes FC (@ia_akranes) November 12, 2021
Góðar fréttir fyrir liðið að þessir reynslumiklu leikmenn verði áfram í okkar herbúðum
Áfram ÍA💛🖤 pic.twitter.com/9gFDr98qbC
Athugasemdir