Þeirra skærasta stjarna, Gareth Bale hefur verið að kljást við meiðsli að undanförnu og hefur ekkert spilað með Real Madrid síðan síðasta landsliðsverkefni lauk.

Hann er hinsvegar að verða klár í slaginn og má búast við því að hann spili gegn Hvíta Rússlandi á morgun.

Bale mun ná merkum áfanga en þetta verður hans hundraðasti leikur fyrir landsliðið.

„Þetta hefur verið ótrúlegt ferðalag sem ég byrjaði á mjög ungur," sagði Bale en hann lék sinn fyrsta landsleik árið 2006 aðeins 16 ára gamall. Hann hefur skorað 36 mörk í þessum 99 leikjum sem er met hjá Wales.

„Um leið og leikurinn er flautaður á mun ég ekki hugsa um neitt annað en að ná í þrjú stig. Ég vil fá þrjú stig, það yrði besta gjöfin því við þurfum á því að halda," sagði Bale spurður að því hvað væri besta gjöfin sem liðið gæti gefið honum fyrir þennan áfanga.