Landsliðskonurnar Rakel Hönnudóttir og Anna Björk Kristjánsdóttir verða ekki áfram í herbúðum Limhamn Bunkeflo í Svíþjóð. Þetta kemur fram í Morgunblaðinu.
Báðar stefna þær á að vera áfram í atvinnumennsku erlendis en óvíst er hvort það verði í Svíþjóð.
Bunkeflo bjargaði sér frá falli með fjórum sigrum í síðustu fimm umferðunum í Svíþjóð. Rakel skoraði fimm mörk í síðustu sex leikjum tímabilsins og Anna Björk var öflug í vörninni.
Rakel kom til Bunkeflo frá Breiðabliki síðastliðinn vetur en Anna kom til félagsins frá Örebro fyrir tveimur árum.
Athugasemdir