Jurgen Klopp hefur viðurkennt að hann hafi hafnað tækifæri á að taka við Manchester United af David Moyes á sínum tíma.

Klopp var eftirsóttur eftir að hafa náð mögnuðum árangri með Borussia Dortmund. Manchester United vildi ráða hann eftir að Moyes var rekinn en United endaði á því að ráð Louis van Gaal.

Í bók sem Þjóðverjinn Raphael Honigstein skrifaði um Klopp segir að Ed Woodward, framkvæmdastjóri United, hafi flogið til Þýskalands til að sannfæra Klopp um að taka við rauðu djöflunum, hann hafi m.a. sagt að „Old Trafford væri eins og Disneyland". Klopp féll ekki fyrir söluræðunni og er í dag stjóri Liverpool.

„Já, það var áhugi frá Manchester United," staðfestir Klopp í samtali við Phil Thompson hjá Sky Sports.