lau 13. janúar 2018 12:00
Gunnar Logi Gylfason
Heimild: BBC.com 
Rhian Brewster á spítala vegna meiðsla
Mynd: Getty Images
Hinn 17 ára gamli Rhian Brewster var fluttur á spítala vegna meiðsla sem hann hlaut í U-23 leik með Liverpool í gærkvöldi.

Brewster meiddist á ökkla þegar hann lenti illa eftir skallaeinvígi í leik gegn U-23 ára liði Manchester City í uppbótartíma fyrri hálfleiks. City vann leikinn 3-2.

„Við óttumst það versta," sagði Neil Critchley þjálfari U-23 ára liðs Liverpool. „Þetta lítur ekki vel út, hann lenti illa á ökklanum. Hann er að fara upp á spítala en ég vil ekki vera með of miklar getgátur," sagði Critchley ennfremur.

Rhian Brewster var markahæstur á Heimsmeistaramóti U-17 ára landsliða í október sem England vann.
Athugasemdir
banner
banner
banner
banner
banner