RB Leipzig og Schalke mættust í síðasta leik dagsins í þýsku úrvalsdeildinn.

RB Leipzig voru sterkara liðið í fyrri hálfleik og á 37. mínútu fengu þeir vítaspyrnu. Framherjinn Jean-Kevin Augustin steig á punktinn en náði ekki að skora.

Miðjumaðurinn Naby Keita náði þó að skora fyrir Leipzig fjórum mínútum síðar og staðan 1-0 Leipzig í vil í hálfleik.

Keita braut klaufalega af sér þegar 10 mínútur voru liðnar af síðari hálfleik. Upp úr aukaspyrnunni skoraði Naldo og jafnaði metinn fyrir Schalke.

Á 63. mínútu leiksins kom Timo Werner inn fyrir Augustin. Hann kom Leipzig í 2-1 á 69. mínútu leiksins og lagði upp mark fyrir Bruma tveimur mínútum síðar sem gulltryggði sigurinn.

Með sigrinum fara RB Leipzig upp fyrir Schalke í annað sæti deildarinnar með 31 stig. Schalke eru nú í því þriðja með 30 stig en geta dottið niður í 5. sætið niður fyrir Borussia Dortmund og Borussia Moenchengladbach sem eiga leiki til góða.