Hollenski sóknarmaðurinn Wout Weghorst er búinn að skrifa undir samning við Manchester United og verður staðfestur sem nýr leikmaður félagsins í kvöld eða á morgun.
Weghorst gerði góða hluti á láni hjá Besiktas í tyrknesku deildinni á fyrri hluta tímabils og vildi félagið ekki missa hann frá sér í janúar án þess að fá greitt fyrir.
Besiktas fær því 2,8 milljónir evra greiddar fyrir að hleypa Weghorst aftur til Englands. Hann er samningsbundinn Burnley sem leikur í Championship deildinni en mun leika með Man Utd að láni út tímabilið.
Besiktas staðfesti þetta með tilkynningu á vefsíðu sinni fyrr í kvöld.
Official. Besiktas confirm termination of the contract for Wout Weghorst as they will receive €2.825,000 from Manchester United. ???? #MUFC pic.twitter.com/hRbNr2xckg
— Fabrizio Romano (@FabrizioRomano) January 13, 2023