Mynd: Getty Images

Mynd: Getty Images

Heimamenn í Napoli gerðu sér lítið fyrir og rúlluðu yfir gestina og urðu lokatölur 5-1 þar sem Victor Osimhen og Khvicha Kvaratskhelia fóru á kostum í liði heimamanna.

Hér fyrir neðan má sjá nokkur af helstu atvikum leiksins, meðal annars þegar Victor Osimhen gaf Manuel Locatelli óvart vænt kjaftshögg sem skildi Locatelli eftir með ljótt sár. Osimhen gaf honum hnefahöggið þegar hann reyndi að losa sig undan haldi Alex Sandro, á svipuðum tíma og Federico Chiesa hljóp sjúkraþjálfara Juve nokkuð harkalega í jörðina. Mikill hasar á skömmum tíma.

Leikurinn sjálfur var galopinn framanaf og bæði lið komust í fín færi. Það munaði minnstu að Juventus hefði tekist að jafna leikinn í uppbótartíma fyrri hálfleiks þegar Amir Rrahmani, miðvörður Napoli, var næstum búinn að setja boltann í eigið net. Boltinn hefði endað í markinu ef ekki fyrir heimsklassa viðbrögð Alex Meret á milli stanganna, sem náði að bægja hættunni frá.

Napoli stóð uppi sem sigurvegari og gekk Luciano Spalletti á eftir Massimiliano Allegri til að fá handabandið frá honum að leikslokum.

Þetta er í fyrsta sinn í rétt tæp 30 ár sem Juventus fær 5 mörk á sig í deildarleik.

Sjáðu hasarinn
Sjáðu markvörslu Meret
Sjáðu handabandið