Víkingur R. 1 - 3 Fylkir
0-1 Guðrún Karítas Sigurðardóttir ('3)
0-2 Karólína Jack ('35)
0-3 Guðrún Karítas Sigurðardóttir ('81)
1-3 Signý Lára Bjarnadóttir ('92, sjálfsmark)
Víkingur R. og Fylkir, sem eru saman í Lengjudeildinni, áttust við í fyrstu umferð Reykjavíkurmótsins í kvöld.
Liðin mættust á Víkingsvelli og tóku gestirnir úr Árbæ forystuna snemma leiks með marki frá Guðrúnu Karítas Sigurðardóttur.
Karólína Jack tvöfaldaið forystu Fylkis á 35. mínútu en þurfti að fara meidd af velli í kjölfarið samkvæmt leikskýrslu KSÍ.
Fylkir var með yfirhöndina og komst í þriggja marka forystu þegar Guðrún Karítas setti annað mark sitt í leiknum.
Víkingi tókst að klóra í bakkann með marki í uppbótartíma en þar við sat og flottur sigur Fylkiskvenna staðreynd.