Kristian Nökkvi Hlynsson var í byrjunarliði Jong Ajax sem heimsótti De Graafschap í hollensku B-deildinni í kvöld.
De Graafschap var einu marki yfir þegar Kristian Nökkvi fékk beint rautt spjald fyrir heldur litlar sakir á 42. mínútu leiksins. Atvikið er hægt að sjá hér fyrir neðan.
Heimamenn héldu forystunni gegn tíu leikmönnum Ajax og á 64. mínútu fékk hinn 18 ára gamli Neal Viereck beint rautt spjald aðeins nokkrum sekúndum eftir innkomu sína af bekknum.
Níu leikmenn Ajax réðu ekki við De Graafschap og urðu lokatölur 3-0.
Athugasemdir
