Úlfarnir eru að styrkja hópinn sinn í tilraun til að forða sér frá fallbaráttu ensku úrvalsdeildarinnar sem fyrst. Þeir eru búnir að ganga frá félagsskiptum Matheus Cunha sem er kominn frá Atletico Madrid og þá er Pablo Sarabia á leiðinni frá PSG.
Sarabia er þrítugur kantmaður sem var algjör lykilmaður hjá Sevilla áður en hann var keyptur til PSG sumarið 2019. Hann fékk lítinn spiltíma í París og fann aldrei taktinn en var lánaður til Sporting CP á síðustu leiktíð og skoraði þar 21 mark í 45 leikjum.
Hann á 9 mörk í 26 landsleikjum fyrir Spán og borgar Wolves ekki nema um 5 milljónir punda fyrir þennan öfluga leikmann, sem á eitt og hálft ár eftir af samningi sínum við PSG. Þessi upphæð getur hækkað með árangurstengdum aukagreiðslum.
Ef Úlfunum tekst að landa Sarabia gætu þetta reynst ein af betri kaupum janúargluggans, en þeir eru einnig að krækja í Mario Lemina og Joao Gomes á næstu dögum.
Úlfarnir eru með 14 stig eftir 18 umferðir í ensku úrvalsdeildinni og aðeins 11 mörk skoruð.
Nýr stjóri liðsins, Julen Lopetegui, á erfitt verk fyrir höndum en fær augljóslega stuðning frá eigendunum.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 34 | 24 | 5 | 5 | 82 | 26 | +56 | 77 |
| 2 | Liverpool | 34 | 22 | 9 | 3 | 75 | 32 | +43 | 75 |
| 3 | Man City | 32 | 22 | 7 | 3 | 76 | 32 | +44 | 73 |
| 4 | Aston Villa | 34 | 20 | 6 | 8 | 71 | 50 | +21 | 66 |
| 5 | Tottenham | 32 | 18 | 6 | 8 | 65 | 49 | +16 | 60 |
| 6 | Newcastle | 33 | 15 | 6 | 12 | 69 | 52 | +17 | 51 |
| 7 | Man Utd | 33 | 15 | 6 | 12 | 47 | 48 | -1 | 51 |
| 8 | West Ham | 34 | 13 | 9 | 12 | 54 | 63 | -9 | 48 |
| 9 | Chelsea | 32 | 13 | 8 | 11 | 61 | 57 | +4 | 47 |
| 10 | Brighton | 32 | 11 | 11 | 10 | 52 | 50 | +2 | 44 |
| 11 | Wolves | 34 | 12 | 8 | 14 | 46 | 53 | -7 | 44 |
| 12 | Bournemouth | 34 | 11 | 10 | 13 | 48 | 60 | -12 | 43 |
| 13 | Fulham | 34 | 12 | 6 | 16 | 50 | 54 | -4 | 42 |
| 14 | Crystal Palace | 34 | 9 | 10 | 15 | 42 | 56 | -14 | 37 |
| 15 | Brentford | 34 | 9 | 8 | 17 | 52 | 59 | -7 | 35 |
| 16 | Everton | 34 | 10 | 9 | 15 | 34 | 48 | -14 | 31 |
| 17 | Nott. Forest | 34 | 7 | 9 | 18 | 42 | 60 | -18 | 26 |
| 18 | Luton | 34 | 6 | 7 | 21 | 47 | 75 | -28 | 25 |
| 19 | Burnley | 34 | 5 | 8 | 21 | 37 | 69 | -32 | 23 |
| 20 | Sheffield Utd | 34 | 3 | 8 | 23 | 31 | 88 | -57 | 17 |
