Paul Scholes fékk draumabyrjum sem stjóri Oldham þegar lið hans mætti Yeovil Town í ensku D-deildinni í gærkvöldi.
Scholes tók við starfinu á mánudag en þetta er hans fyrsta alvöru stjórastarf á ferlinum.
Oldham komst yfir á fimmtu mínútu uppbótartíma fyrri hálfleiks þegar Jose Baxter skoraði. Aðeins örfáar mínútur voru liðnar af síðari hálfleik þegar Oldham tvöfaldaði forystuna.
Yeovil klóraði í bakkann á 54. mínútu og allt galopið. Það var ekki fyrr en á 88. mínútu sem að Oldham komst í 3-1 og mínútu síðar í 4-1. Þar við sat og Paul Scholes, eins og áður sagði, fær draumabyrjun sem þjálfari Oldham.
Liðið er komið upp í ellefta sæti ensku D-deildarinnar eftir sigurinn í gærkvöldi.
Athugasemdir