þri 13. mars 2018 10:51
Elvar Geir Magnússon
Enn berast fréttir af því að Neymar vilji fara til Real Madrid
Neymar hefur reglulega verið orðaður við Real Madrid.
Neymar hefur reglulega verið orðaður við Real Madrid.
Mynd: Getty Images
Sagt er að brasilíski framherjinn Neymar hafi tilkynnt pabba sínum að hann vilji ganga í raðir Real Madrid fyrir HM.

Neymar verður í sviðsljósinu og leiðir sókn Brasilíu þegar HM hefst í Rússlandi þann 14. júní.

Hann ku vilja að framtíð sín verði orðin ljós áður en mótið fer af stað.

Neymar gekk í raðir Paris Saint-Germain frá Barcelona síðasta sumar fyrir 200 milljónir punda.

Þrátt fyrir að skora 26 mörk á fyrsta tímabili sínu í París er sagt að Neymar vilji snúa aftur til Spánar. Reglulega berast fréttir af því að hann sé ekki nægilega hrifinn af lífinu í Frakklandi.

Dagblaðið Sport, sem hefur höfuðstöðvar í Barcelona, segir að Neymar hafi gefið föður sínum grænt ljós á að hefja viðræður. Neymar er sem stendur á meiðslalistanum eftir að hafa gengist undir aðgerð á ökkla í síðasta mánuði og búist er við því að hann verði frá þar til í maí.

PSG mun þó reyna að halda þessum stjörnuleikmanni og ljóst að Real Madrid þyrfti að borga ansi háa upphæð til að eiga möguleika á að landa honum.
Athugasemdir
banner
banner
banner
banner