Mason og Kane ásamt Erik Lamela á góðri stundu.
Ryan Mason, fyrrverandi leikmaður Tottenham og Hull sem lagði skóna á hilluna fyrir mánuði vegna höfuðmeiðsla, hefur fulla trú á því að Harry Kane verði áfram hjá Tottenham næstu árin.
Mason og Kane þekkjast mjög vel enda voru þeir saman hjá Tottenham í rúman áratug. Mason er fæddur 1991 og Kane 1993.
Mason og Kane þekkjast mjög vel enda voru þeir saman hjá Tottenham í rúman áratug. Mason er fæddur 1991 og Kane 1993.
„Ég trúi því að Harry vilji fara í sögubækurnar fyrir að bæta hin ýmsu met. Það er ekki að fara að gerast á Spáni," sagði Mason.
„Ef hann verður áfram hjá Tottenham þá mun hann fara í sögubækurnar. Hann á eftir að bæta úrvalsdeildarmetið hans Shearer, landsliðsmetið hans Rooney. Ég er handviss.
„Fyrir fjórum árum hefði enginn sagt að hann væri efni í úrvalsdeildarleikmann en sjáið hann í dag. Hann er einn af bestu sóknarmönnum heims og er bara 24 ára gamall. Hann þarf ekki að vinna titil akkurat núna, það er nóg eftir.
„Ég hef trú á því að Harry verði áfram hjá Spurs og haldi áfram að raða inn mörkunum. Þá munu titlarnir koma."
Athugasemdir
