Heimild: Expressen
Sænskir miðlar segja Viðar Örn Kjartansson vera á leið til Hammarby en ekki Djurgården eins og greint var frá fyrr í vikunni.
Viðar hefur ekki verið að fá mikinn spilatíma hjá Rostov og þess vegna hefur félagið ákveðið að leyfa honum að fara út á láni.
Sex félög vilja fá Viðar á láni til sín samkvæmt Expressen en tilboðið frá Hammarby er talið vænlegast til vinnings.
Nokkur félög frá Svíþjóð hafa áhuga á honum ásamt liðum frá Bandaríkjunum og FC Astana í Kasakstan.
Viðar hefur reynslu úr sænska boltanum eftir dvöl sína hjá Malmö þar sem hann virtist vera óstöðvandi. Hann endaði sem næstmarkahæstur í sænsku deildinni þrátt fyrir að skipta yfir til Maccabi Tel Aviv á miðju tímabili.
Athugasemdir