Raheem Sterling hefur átt rosalega öflugt tímabil.
Gareth Southgate, landsliðsþjálfari Englands, hrósaði Raheem Sterling í hástert á fréttamannafundi í dag.
Sterling hefur verið geggjaður með Manchester City í vetur.
Sterling hefur verið geggjaður með Manchester City í vetur.
„Hann er að eiga annað magnað tímabil. Hann hefur sigrast á öllum áskorunum og ég er svo hrifinn af því hversu þroskaður hann er. Hann er að sýna góðar mannlegar hliðar," segir Southgate.
Sterling hefur vakið máls á mikilvægi baráttunnar gegn kynþáttafordómum.
„Ég er svo hrifinn af því hversu heilsteyptur hann er orðinn og hvernig hann hefur tjáð sig um mikilvæg málefni. Hann hefur sýnt hugrekki með því að gera það. Hann er með sterka samfélagslega ábyrgð og er að þróast út í að vera frábær fyrirmynd fyrir fólk að fylgja."
Athugasemdir
