Guðlaugur Victor Pálsson lék allan leikinn er Darmstadt rúllaði yfir Aue í B-deild þýska boltans.
Serdar Dursun er langbesti leikmaður Darmstadt og skoraði hann þrennu í leiknum, Tim Skarke átti tvær stoðsendingar.
Gestirnir frá Aue-Bad sýndu lit í leiknum en misstu mann af velli með rautt spjald í upphafi síðari hálfleiks. Tíu leikmenn Aue gátu ekki gert mikið og urðu lokatölurnar 4-1.
Þetta er annar sigur Darmstadt í röð og er liðið komið úr fallhættu. Darmstadt er með 31 stig eftir 25 umferðir.
Darmstadt 4 - 1 Aue
1-0 Serdar Dursun ('4)
2-0 Serdar Dursun ('27)
3-0 Serdar Dursun ('67)
3-1 D. Nazarov ('79, víti)
4-1 M. Honsak ('90)
Rautt spjald: L. Samson, Aue ('59)
Lærisveinar Ólafs Kristjánssonar í Esbjerg töpuðu þá mikilvægum toppslag gegn Viborg í dönsku B-deildinni.
Kjartan Henry Finnbogason var í byrjunarliði Esbjerg og kom Andri Rúnar Bjarnason inn af bekknum.
Esbjerg tókst ekki að skora og tapaðist leikurinn 2-0. Esbjerg hefur verið hikstandi að undanförnu og er liðið í þriðja sæti eftir tapið, átta stigum eftir Viborg.
Viborg 2 - 0 Esbjerg
1-0 J. Grönning ('49)
2-0 M. Lauritsen ('60)
Athugasemdir