Jóhann Berg hefur verið inn og út úr liði Burnley á þessu tímabili vegna meiðsla.

Hann byrjaði í dag og spilaði 66 mínútur. Á vefmiðlinum LancsLive fá leikmenn Burnley einkunn fyrir frammistöðu sína í leiknum. Jóhann Berg var með bestu leikmönnum síns liðs.

„Gerir svo mikið fyrir Burnley þegar hann er heill heilsu. Átti hörkuskot í stöngina," sagði í umsögn um Jóhann Berg.

Þetta eru frábær tíðindi fyrir Ísland þar sem Jóhann Berg er lykilmaður í íslenska landsliðinu sem leikur sína fyrstu leiki í undankeppni HM síðar í þessum mánuði.