Tottenham er sjö stigum fyrir ofan Arsenal í úrvalsdeildinni og hafa þeir hvítklæddu endað fyrir ofan erkifjendurna undanfarin fjögur ár. Undir stjórn Mourinho hefur Tottenham unnið báða leiki sína gegn Arsenal, sem er aðeins um miðja deild.

„Ég lít upp töfluna, ekki niður. Ef Arsenal væri sjö stigum fyrir ofan okkur þá myndi ég líta til þeirra, en það erum við sem erum sjö stigum yfir þá. Ég lít ekki niður töfluna," sagði Mourinho. Tottenham er í sjöunda sæti töflunnar, fimm stigum eftir Chelsea sem er í fjórða sæti.

„Við lítum alltaf til næsta leiks. Ef næsti leikur væri gegn Villa eða Newcastle þá myndi það ekki breyta neinu í undirbúningi okkar. Við eigum að vera ofar á töflunni og það skiptir engu máli hvort næsti leikur sé fjandslagur eða ekki. Það eru þrjú stig í boði eins og í öllum öðrum úrvalsdeildarleikjum og við ætlum að ná í þessi stig."

Lærisveinar Mourinho eru í miklu stuði þessa dagana og hafa unnið fimm leiki í röð í öllum keppnum með markatöluna 15-1.