6500 erlendir verkamenn hafa dáið við að byggja leikvanga fyrir heimsmeistaramótið í Katar og hafa norsk félög verið hávær varðandi þetta mikilvæga málefni.

Margir leikmenn í norska landsliðinu hafa einnig lýst yfir áhyggjum yfir stöðu verkamanna og gætu einstaklingar ákveðið að spila ekki með norska landsliðinu á mótinu.

Terje Svendsen, forseti norska knattspyrnusambandsins, hefur nú staðfest að sambandið mun funda þann 20. júní og ræða þann möguleika á að sniðganga mótið en sérstök nefnd verður skipuð fyrir þann fund en þetta kemur fram í VG.

„Við höfum ákveðið þennan dag. Þar verður rætt um að sniðganga HM í Katar. Við munum varpa ljósi á allt sem tengist mótinu og leggja öll gögnin á borðið. Við munum skipa sérstaka nefnd sem mun vinna að þessu máli en það er ekki ákveðið hverjir skipa nefndina," sagði Svendsen í viðtali við NTB.