Neil Custis, blaðamaður The Sun, er á því máli að Sergio Aguero sé besti erlendi leikmaðurinn sem hafi spilað í ensku úrvalsdeildinni.
Aguero kom til City frá Atletico Madrid fyrir tíu árum síðan og hefur reynst félaginu ótrúlega vel. Aguero er markahæsti leikmaður í sögu félagsins.
Custis var í viðtali á Talksport og þar sagði hann:
„Ef ég væri knattspyrnustjóri og Aguero væri í mínu liði, þá myndi ég spila honum á einum fæti."
„Hann er besti erlendi leikmaðurinn í sögu ensku úrvalsdeildarinnar," sagði Custis en hann var þá að taka Aguero fram yfir leikmenn eins og Thierry Henry og Cristiano Ronaldo.
Ray Parlour, fyrrum leikmaður Arsenal, er á því að Aguero sé í topp þremur en ekki sá besti. Hann segir að Henry sé sá besti og svo myndu Eric Cantona og Aguero koma þar á eftir.
Aguero hefur átt mjög erfitt með meiðsli og veikindi upp á síðkastið. Í kvöld skoraði hann í sigri á Fulham, en það var hans fyrsta deildarmark frá því í janúar í fyrra.
Athugasemdir