Jökull Andrésson var í marki Exeter í svekkjandi tapi gegn Cheltenham í ensku D-deildinni í dag.
Staðan var markalaus þegar komið var fram í uppbótartíma en á fyrstu mínútu uppbótartímans skoraði Cheltenham sigurmarkið í leiknum.
Gríðarlega svekkjandi fyrir Exeter sem er þremur stigum frá umspilssæti, en liðið á tvo leiki til góða liðið sem er þessa stundina í sjöunda sæti, síðasta umspilssætinu.
Jökull, sem er 19 ára, hefur verið frábær á láni hjá Exeter frá Reading og hann hlýtur að koma til greina í U21 landsliðshópinn í þessum mánuði.
Í ensku C-deildinni gerði Blackpool markalaust jafntefli við Fleetwood Town. Daníel Leó Grétarsson, varnarmaður Blackpool, hefur verið að glíma við meiðsli frá því í janúar en það styttist í endurkomu hans.
Athugasemdir