Atletico Madrid 2 - 0 Celta
1-0 Antoine Griezmann ('42 )
2-0 Alvaro Morata ('74 )

Í fyrri leiknum fékk Atletico Madrid lið Celta í heimsókn og vann leikinn 2-0. Antoine Griezmann og Alvaro Morata skoruðu í sitthvorum hálfleiknum. Sigurinn gerir það að verkum að Atletico minnkar forskot Barcelona á toppnum niður í 9 stig en liðið tapaði toppslag liðanna um síðustu helgi.

Celta sem er rétt fyrir ofan fallsæti var án markahróksins Iago Aspas í leiknum en þrátt fyrir það þurfti Jan Oblak markvörður Atletico nokkrum sinnum að taka á honum stóra sínum.

Sevilla 3 - 2 Betis
1-0 Munir El Haddadi ('26 )
1-1 Giovani Lo Celso ('55 )
2-1 Pablo Sarabia ('59 )
3-1 Franco Vazquez ('64 )
3-2 Cristian Tello ('82 )

Í seinni leiknum jók Sevilla möguleika sína á Meistaradeildarsæti með sigri á Betis. Þeir eru nú komnir í fjórða sæti deildarinnar.

Liðin skiptust á að skora en eftir að Betis minnkaði muninn í 3-2 þegar 20 mínútur voru eftir með geggjaðri aukaspyrnu var nokkur spenna milli liðanna.

Sevilla hélt þetta þó út og er komið með 52 stig, tveimur meira en Getafe sem er í fimmta sætinu og á leik á morgun gegn Valladolid. Betis er í 9. sæti.