KA stefnir á að bæta við sig leikmanni áður en félagaskiptaglugginn lokar. Þetta staðfesti Óli Stefán Flóventsson þjálfari KA í samtali við Fótbolta.net.
Félagið er að leita af sóknarsinnandi miðjumanni.
Félagið er að leita af sóknarsinnandi miðjumanni.
„Við erum að skoða það að styrkja okkur. Við höfum orðið fyrir skakkaföllum og ekki enn fyllt það skarð sem Guðjón Pétur skyldi eftir sig. Síðan fór Bjarni Aðalsteinsson í Magna þannig við erum að reyna styrkja hópinn."
Félagaskiptaglugginn lokar á miðvikudaginn og því er tíminn ekki að vinna með KA mönnum í þessu.
„Við tökum okkur tíma í þetta allt saman. Við viljum vera öruggir á því að við tökum inn réttan leikmann í stað þess að vera taka einhverja sénsa," sagði Óli Stefán sem segir erfitt að segja til um það, hverjar líkurnar séu á því að KA fái leikmann til sín áður en glugginn lokar.
„Ég hef lært það í þessum bransa að það er erfitt að tala um einhverjar líkur. Maður veit aldrei fyrr en það er komið (Staðfest) á Fótbolta.net," sagði Óli Stefán að lokum í samtali við Fótbolta.net.
Athugasemdir