Á HM er það þannig að liðið sem endar efsta sæti í sínum riðli mætir liðinu sem lenti í öðru sæti í riðlinum við hliðina. Sem dæmi þá mætir efsta sætið í A-riðlinum liðinu sem lenti í öðru sæti í B-riðlinum í 16-liða úrslitunum. Fyrsta sætið í B-riðli mætir öðru sætinu í A-riðli og svo framvegis.

Ef við miðum við spá okkar þá mætir Ísland Frakklandi í 16-liða úrslitunum

Við eigum ekki sérstakar minningar frá síðasta leik okkar við Frakkland. Sá leikur var í 8-liða úrslitum Evrópumótsins og fór hann 5-2 fyrir Frakka. Þó var stemningin mögnuð hjá íslenskum stuðningsmönnum á þeim leik.

Liðið sem vinnur C-riðil, sem er samkvæmt spánni Frakkland, og liðið sem lendir í öðru sæti í D-riðli, Ísland að mati dómnefndar, mætir annað hvort liðinu sem vinnur A-riðil eða lendir í öðru sæti í B-riðli í 8-liða úrslitunum. Í spá okkar vinnur Úrúgvæ A-riðil og Portúgal lendir í öðru sæti B-riðli.

Það er pottþétt að ef Ísland kemst upp úr riðli sínum þá verður leiðin eftir það mjög erfið. Riðillinn er líka mjög erfiður og það verður mikið afrek að komast upp úr honum.

Ísland er í riðli með Argentínu, Króatíu og Nígeríu. Fyrsti leikur Íslands er á laugardaginn gegn Argentínu, en fyrsi leikur á HM er á morgun. Opnunarleikurinn er á milli Rússlands og Sádí-Arabíu.

16-liða úrslitin samkvæmt spá Fótbolta.net
Úrúgvæ - Portúgal í Sochi 30. júní
Frakkland - Ísland í Kazan 30. júní
Spánn - Egyptaland í Moskvu (Luzhniki) 1. júlí
Argentína - Perú í Nizhny Novgorod) 1. júlí
Brasilía - Mexíkó í Samara 2. júlí
Belgía - Pólland í Rostov-On-Don 2. júlí
Þýskaland - Sviss í Sankti-Pétursborg 3. júlí
Kólumbía - England í Moskvu (Spartak Stadum) 3. júlí

Hér að neðan má sjá mynd af því hvernig útsláttarkeppnin virkar.