Rúrik Gíslason skoraði þrennu fyrir Sandhausen
Rúrik Gíslason, leikmaður Sandhausen í Þýskalandi, skoraði þrennu er lið hans vann 4-3 sigur á Sonnenhauf í æfingaleik í dag.
Íslenski landsliðsmaðurinn fer undirbúningstímabilið gríðarlega vel af stað en hann skoraði einnig fyrir liðið á dögunum í 1-0 sigri á Nancy.
Hann var aftur á ferðinni í dag en gerði gott betur. Hann skoraði þrennu á átján mínútum í fyrri hálfleik. Fyrsta markið kom á 15. mínútu, annað á 24. mínútu og þriðja markið á 33. mínútu.
Sandhausen er í næst efstu deild í Þýskalandi.
Öll mörkin hans má sjá í myndbandinu hér fyrir neðan.
Athugasemdir
