Enska úrvalsdeildarfélagið Arsenal er búið að leggja fram 25 milljón punda tilboð í skoska bakvörðinn Kieran Tierney. Fréttastofa Sky í Skotlandi greinir frá í kvöld.
Tierney er 22 ára gamall vinstri bakvörður og uppalinn í Celtic en hann á 170 leiki og 8 mörk fyrir aðallið félagsins.
Hann hefur vakið mikla athygli fyrir frammistöðu sína með félaginu og hefur Arsenal verið á eftir honum í sumar.
Félagið var upphaflega ekki reiðubúið að greiða 25 milljónir punda fyrir hann en samkvæmt Sky í Skotlandi þá hefur félagið ákveðið að gefa eftir.
Arsenal lagði fram tilboðið í kvöld en Celtic hefur frá upphafi farið fram á 25 milljónir punda fyrir hann.
Hann á 12 landsleiki að baki fyrir Skotland.
Athugasemdir