Evrópumeistarar Ítalíu hafa í nægu að snúast við að fagna meistaratitlinum.
Í gær var liðið heiðrað af Sergio Mattarella, forseta Ítalíu, og fór síðan til forsætisráðherrans Mario Draghi þar sem það fékk höfðinglegar móttökur.
Í gær var liðið heiðrað af Sergio Mattarella, forseta Ítalíu, og fór síðan til forsætisráðherrans Mario Draghi þar sem það fékk höfðinglegar móttökur.
Þá gáfu ítölsk yfirvöld grænt ljós á undanþágu frá samkomutakmörkunum og leyfðu liðinu að fagna í opinni rútu í miðborg Rómar.
Leikmennirnir sjálfir settu mikinn þrýsting á að fá að fagna áfanganum með ítölsku þjóðinni.
Varnarjaxlinn Leonardo Bonucci, sem skoraði í úrslitaleiknum, var í fararbroddi fyrir því að fá að fagna með almenningi. Í viðtali í gær sagði hann að það hefði gírað sig enn betur í úrslitaleikinn að heyra stuðningsmenn Englands baula á ítalska þjóðsönginn.
„Það var blístrað og baulað á þjóðsönginn, fólk hélt að það væri að fá titilinn heim. Fyrir mig og gamla manninn (Giorgio Chiellini) gerði þetta ekkert annað en að gera okkur enn ákveðnari," sagði Bonucci.
Athugasemdir