Eggert í baráttunni með Fleedwood Town á sínum tíma.
Einn leikur var á dagskrá í dönsku úrvalsdeildinni í dag þar sem Eggert Gunnþór og félagar í SønderjyskE kíktu í heimsókn til Esbjerg og máttu sætta sig við 1-0 tap gegn heimamönnum.
Eggert Gunnþór sat allan tímann á varamannabekk
SønderjyskE í dag. Eina mark leiksins skoraði Joni Kauko á 74. mínútu og þar við sat.
SønderjyskE hefur ekki verið að byrja tímabilið neitt sérstaklega vel og eru með fjögur stig eftir fimm leiki. Liðið situr í 12. sæti af 14. liðum deildarinnar og er með jafn mörg stig og Hobro sem er í sætinu fyrir neðan.
Í sænsku B-deildinni spilaði Viktor Karl Einarsson allan leikinn fyrir IFK Vaernamo sem vann 3-1 útisigur gegn Jönköping Södra. Vaernamo er í neðsta sæti deildarinnar en sigurinn gefur liðinu von.
Viktor Karl Einarsson.
Athugasemdir
