Danski framherjinn Patrick Pedersen átti geggjaðan leik og setti þrennu í 4-0 sigri Valsara á Grindavík í kvöld.
Hann átti það auðvitað skilið að fá að tala dönsku í viðtalinu sínu!
Hann átti það auðvitað skilið að fá að tala dönsku í viðtalinu sínu!
Lestu um leikinn: Valur 4 - 0 Grindavík
Patrik, þessi leikur hefur verið léttari en þið reiknuðuð með?
"Já, við vissum að Grindavík er með gott lið en mér fannst við spila frábæran leik. Skoruðum fjögur mörk og hefðum getað gert fleiri, þetta var virkilega góður leikur ".
Og þú sjálfur setur þrjú og með alvöru framherjaframmistöðu!
"Það er eiginlega ekki hægt að biðja um meira, þrjú mörk. Það er algerlega frábært að gera þrennu, ég hefði kannski getað gert fleiri en maður verður að vera sáttur með að skora þrjú."
Í stöðu liðsins í deildinni er líka sterkt að fá nú fjögur mörk í plús í markatöludálkinn.
"Þetta er mjög þéttur pakki, Stjarnan, Breiðablik og við svo það var mikilvægt að ná fjögurra marka mun en það var sérstaklega mikilvægt að ná í þrjú stig hér í dag og halda okkur við toppinn."
Leikurinn í kvöld liggur milli Evrópuleikja Valsara við Sheriff, sá á fimmtudag er sérstaklega mikilvægur!
"Það verður risaleikur! Við vitum að það verður erfitt að komast áfram en staðan er bara 1-0 fyrir þá og við erum á heimavelli og allt getur gerst, þetta er bara fótbolti, 11 á móti 11."
Var ekki erfitt að fókusera á leikinn við Grindavík milli Evrópuleikjanna?
"Nei það fannst mér ekki, við vitum að við þurfum að fókusera á hvern einasta leik og þetta var mikilvægur leikur í dag þar sem þrjú stigin skiptu öllu máli og það var indælt að ná í þau."
Hverjar telurðu líkurnar á því að Valur komist áfram í næstu umferð?
"Við eigum góða möguleika, við sáum þarna niðurfrá að þeir voru ekkert hrikalega ógnvekjandi, við náðum að skapa okkur nokkur tækifæri en auðvitað þurfum við að skapa okkur fleiri hér heima og þá skulum við sjá hvað gerist."
Eins og þú sagðir áðan...allt getur gerst!
"Allt getur gerst, þetta er fótbolti."
Þökkum Patrick spjallið!
Athugasemdir