Jón Guðni Fjóluson var allan tímann á varamannabekk Krasnodar sem sigraði Ufa í dag með einu marki gegn engu.
Krasnodar var nokkuð meira með boltann í leiknum og átti fleiri marktækifæri. Sigurmarkið kom þó ekki fyrr en undir lok leiks þegar Wanderson kom knettinum í netið eftir stoðsendingu frá svíanum Viktor Claesson.
Christian Ramirez, leikmaður Krasnodar fékk sitt annað gula spjald og þar með rautt í uppbótartíma. Það kom þó ekki að sök og liðið hélt út.
Krasnodar er eftir leikinn með sex stig í 4. sæti deildarinnar og hefur byrjað tímabilið vel. Jón Guðni er nýgenginn í raðir félagsins og líklegt að spilamínútum hans mun fjölga þegar hann hefur komið sér örlítið betur fyrir í Rússlandi.
Athugasemdir