Atletico Madrid og Valencia eru búin að ná samkomulagi um félagaskipti sóknarmannsins Kevin Gameiro.
Hinn 31 árs gamli Gameiro er á leið til Valencia og er sagt að kaupverðið sé 16 milljónir evra. Gameiro mun gangast undir læknisskoðun og skrifa undir samning í dag.
Gameiro mátti fara frá Atletico Madrid eftir að Nikola Kalinic kom þangað í síðustu viku.
Þessi franski sóknarmaður frá frá Sevilla til Atletico fyrir 27 milljónir evra árið 2016. Hann skoraði 11 mörk í 36 leikjum í öllum keppnum á síðasta tímabili.
Hann er annar sóknarmaðurinn sem Valencia fær með stuttu millibili en Michy Batshuayi kom þangað á láni frá Chelsea fyrir nokkrum dögum síðan.
Valencia er líka nálægt því að kaupa Goncalo Guedes samkvæmt heimildum ESPN.
Athugasemdir