Hinn ungi Sam Morgan starfar sem ráðgjafi fyrir allar helstu stjörnurnar og aðstoðar þá við að klæðast nýjustu tísku. Ferill hans hefur verið upp á við eftir að hann hjálpaði Mesut Özil með jakkann sem han klæddist þegar hann skrifaði undir nýjan samning við Arsenal.

Hann er nú orðinn svo vinsæll með fótboltaleikmanna að Pogba, Özil, Alexandre Lacazette, Kevin De Bruuyne, Benjamin Mendy og Kyle Walker-Peters eru allir hluti af kúnnahópi hans.

„Tveimur dögum eftir úrslitaleik heimsmeistaramótsins tók ég Eurostar til Parísar með fullt af Gucci jökkum og 'vintage' gleraugum. Svo fór ég út úr lestinni, beint upp á liðshótelið því þar höfðu þeir allir verið nóttina áður með forsetanum,” sagði Sam í viðtali við BBC.

Sam hefur notað nokkuð óhefðbundnar aðferðir til þess að fá nýja viðskiptavini og eru samskipti hans og Kevin De Bruyne gott dæmi um það.

„Að spila Fortnite er brjálað því það hefur gefið mér svo marga viðskiptavini óvart. Til dæmis, De Bruyne. Ég var að spila Fortnite með Kevin og áður en ég vissa af var hann farinn að spyrja um nokkra hluti og ég var hjá honum tveimur dögum síðar,” sagði Sam.

„Tölvuleikurinn Fortnite hefur verið frábær staður til þess að hitta á aðrar fótboltastjörnur með auðveldu fjölspilunarsniði. Ég hef verið að spila með Harry Kane, Jordon Pickford og svo margir leikmenn hafa orðið viðskiptavinir hjá mér út af Fortnite. ”