Silva var 24 ára þegar hann yfirgaf Valencia árið 2010 til að fara til Manchester City. Barcelona og Real Madrid vildu líka fá Silva en hann ákvað að fara til Englands.

„City vildi fá mig. Þeir höfðu hringt síðan í desember og beðið mig um að koma og spila með þeim," sagði Silva.

„Ég hugsaði, 'hver vill mig? City vill mig svo ég fer þangað."

„Á þessum tíma bjó ég með foreldrum mínum og þau voru að skilja svo þetta var rétti tíminn til að fara frá Spáni og upplifa eitthvað nýtt. Ég tók rétta ákvörðun."