„Þeir hafa haft áhuga á honum í einhvern tíma og spurðu mig út í hann í sumarglugganum og eitthvað fyrir tímabilið. Ég held að hann henti vel í liðið. Þeir vildu fá Íslending inn og þjálfarinn er mjög hrifinn af honum. Ég held að hann passi fullkomlega í liðið okkar," segir Ingvar.

Sandefjord hefur einnig gert tilboð í Hólmbert Aron Friðjónsson og greinilegt að menn eru að horfa til Íslands.

„Íslenska landsliðið er að standa sig vel og það er heillandi að fá íslenska leikmenn núna. Það er stemning fyrir því að fá fleiri Íslendinga þarna."

Sandefjord er í tíunda sæti af sextán liðum nú þegar norska deildin er að klárast og segir Ingvar að menn séu ánægðir með tímabilið.

„Allir fjölmiðlar spáðu okkur falli fyrir tímabilið. Menn höfðu enga trú á okkur sem er skiljanlegt því við töpuðum öllum leikjunum á undirbúningstímabilinu. Þegar tímabilið fór að ganga þó fór þetta að virka. Ég er mjög ánægður með mína frammistöðu, ég hef verið mjög stöðugur yfir allt tímabilið og er mjög ánægður."

Leikið er gegn Katar í vináttulandsleik á morgun þriðjudag en leikurinn hefst klukkan 16:30 að íslenskum tíma.

„Ég vonast eftir því að fá tækifæri en maður verður að sýna því skilning ef aðrir fá tækifæri til að sýna sig, Auðvitað vill maður fá mínútur. Það er gríðarleg samkeppni um að komast til Rússlands, við eigum fullt af góðum markvörðum."

Sjáðu viðtalið í heild í sjónvarpinu hér að ofan.