Gary McAllister, fyrrverandi leikmaður Liverpool, mun vera aðstoðarmaður Steven Gerrard hjá Aston Villa.
Gerrard tók við liðinu af Dean Smith á dögunum og nú er ljóst að McAllister mun vera Gerrard til halds og traust.
McAllister lék með Liverpool á árunum 2000-2002 en hann var í teymi Gerrard hjá Rangers. McAllister hefur áður þjálfað hjá Aston Villa en þá var hann aðstoðarþjálfari Gerard Houlier árið 2010.
Gerrard gerði góða hluti með Rangers bæði í Skotlandi og í Evrópukeppni. Hann vann deildina og tókst að stöðva Celtic en Rangers hafði ekki unnið deildina í tíu ár.
Gerrard og McAllister bíður nú það verkefni að koma Villa upp töfluna en liðið er sem stendur í 16. sæti deildarinnar, tveimur stigum frá falli.
Athugasemdir