Mynd: Getty Images

West Ham tapaði gegn Leicester á heimavelli í ensku úrvalsdeildinni í gær en liðið er einungis tveimur stigum frá fallsæti sem stendur.

West ham hefur tapað þremur heimaleikjum á einni viku og var baulað á liðið og Moyes eftir leikinn í gær.

„Ég er mjög þakkláttur félaginu fyrir stuðninginn sem ég hef fengið en ég vil líka segja að ég hef ekki staðið mig illa hér," sagði Skotinn.

„Við höfum gert góða hluti en eins og staðan er í dag þá erum við í basli með að skora mörk."

West Ham keypti Gianluca Scamacca fyrir 35,5 milljónir punda í sumar og byrjaði kappinn ágætlega. Núna hefur hann hins vegar ekki náð að skora í síðustu sjö leikjum í röð.

„Það tekur oft tíma fyrir leikmenn sem koma frá öðru landi að finna sig hér. Við þurfum að gefa þeim smá tíma," sagði Moyes.