Martin Glenn.
Martin Glenn hefur tilkynnt að hann muni hætta sem framkvæmdastjóri enska knattspyrnusambandsins á næsta ári, eftir þriggja ára starf.
Glenn segir að hann gangi stoltur frá borði, fjárhagsstaðan sé örugg og uppgangur hjá landsliðum Englands.
Glenn segir að hann gangi stoltur frá borði, fjárhagsstaðan sé örugg og uppgangur hjá landsliðum Englands.
Greg Clarke, formaður sambandsins, segir að Glenn skili af sér góðu búi og allt sé opið til að taka næsta skref.
Hann nefnir uppgang kvennafótboltans í landinu sem gott dæmi um öflugt starf Glenn.
Glenn vakti fyrst athygli sem framkvæmdastjóri kexfyrirtækis og starfaði svo fyrir Leicester 2002 - 2006. Hann sá um markaðssetningu Walkers snakksins og fékk Gary Lineker til að vera andlit auglýsingaherferðarinnar.
Eitt af stórum verkefnum næsta framkvæmdastjóra verður að ræða við Skotland, Wales, Norður-Írland og Írland um umsókn um að halda HM 2030.
Athugasemdir
