Kevin De Bruyne og Sergio Aguero eru báðir á bekknum hjá Manchester City sem tekur á móti Wolves í síðasta leik 22. umferðar ensku úrvalsdeildarinnar.
Aguero er nýlega búinn að ná sér af meiðslum en Pep Guardiola vill koma honum rólega inn í liðið, þó vonandi ekki jafn rólega og De Bruyne sem virðist vera orðinn pirraður á því að fá ekki meiri spilatíma en raun ber vitni.
Englandsmeistararnir þurfa sigur í toppbaráttunni til að saxa á sjö stiga forskot Liverpool.
Leikur kvöldsins mun þó líklega ekki reynast auðveldur fyrir Man City enda hafa Úlfarnir verið að taka stig af öllum stærstu liðum úrvalsdeildarinnar á tímabilinu.
Fyrri leik liðanna lauk einmitt með 1-1 jafntefli á Molineux, heimavelli Wolves, í haust og hafa Úlfarnir síðan þá tekið stig af Manchester United, Arsenal, Chelsea og Tottenham.
Þá höfðu Úlfarnir betur gegn Liverpool í enska bikarnum fyrir viku síðan og ljóst að ekki má vanmeta nýliðana, enda eru þeir spútnik lið tímabilsins.
Man City: Ederson, Walker, Danillo, Stones, Laporte, Fernandinho, Sane, Sterling, D.Silva, B.Silva, Jesus
Varamenn: Muric, Gündogan, Agüero, De Bruyne, Delph, Mahrez, Otamendi
Wolves: Patricio, Doherty, Bennett, Neves, Boly, Coady, Jota, Jimenez, Jonny, Moutinho, Dendoncker
Varamenn: Ruddy, Vinagre, Saiss, Gibbs-White, Traore, Costa, Cavaleiro
Athugasemdir
