Inter er komið í 8-liða úrslit ítalska bikarsins eftir frábæran 4-1 sigur gegn spútnik liði tímabilsins, Cagliari.
Romelu Lukaku spilaði allan leikinn fyrir Inter og skoraði tvennu. Hann gerði fyrsta mark leiksins eftir 22 sekúndur, sneggsta mark sem skorað hefur verið í ítalska boltanum á tímabilinu.
Alexis Sanchez var einnig í byrjunarliðinu en hann er kominn aftur eftir erfið meiðsli og spilaði fyrstu 70 mínúturnar.
Inter verðskuldaði sigurinn og mætir annað hvort Atalanta eða Fiorentina í 8-liða úrslitum.
Inter 4 - 1 Cagliari
1-0 Romelu Lukaku ('1)
2-0 Borja Valero ('22)
3-0 Romelu Lukaku ('49)
3-1 Christian Oliva ('73)
4-1 Andrea Ranocchia ('81)
Lazio tók þá á móti B-deildarliði Cremonese og uppskar auðveldan sigur fjögurra marka sigur.
Patric og Marco Parolo skoruðu í fyrri hálfleik og bætti markavélin Ciro Immobile þriðja markinu við úr vítaspyrnu í síðari hálfleik. Markahæsti maður Serie A var svo tekinn útaf á 72. mínútu til að fá hvíld fyrir næstu umferð í deildinni.
Bastos gerði fjórða mark Lazio og er liðið komið í 8-liða úrslit þar sem næstu andstæðingar eru lærisveinar Gennaro Gattuso í Napoli.
Lazio 4 - 0 Cremonese
1-0 Patric ('10)
2-0 Marco Parolo ('26)
3-0 Ciro Immobile ('58, víti)
4-0 Bastos ('89)
Athugasemdir