Traore á aðeins 18 mánuði eftir af samningi sínum á Molineaux og hefur ekki viljað skrifa undir í meira en ár.

Það segir blaðamaðurinn Dharmesh Seth hjá Sky Sports en Tottenham ku hafa mikinn áhuga á að semja við vængmanninn.

Traore hefur staðið til boða að skrifa undir nýjan samning í langan tíma en hefur enn ekki viljað krota á pappírinn.

„Wolves vill halda honum og það er samningstilboð á borðinu. Því miður þá hefur þetta tilboð verið á borðinu í 15 mánuði," sagði Seth.

„Það er enn ekki búið að skrifa undir og það er ekki frábært merki fyrir Wolves."

Seth bætir við að Wolves gæti fengið í kringum 20 milljónir punda fyrir spænska landsliðsmanninn.