Milan lenti marki undir á 3. mínútu er Theo Hernandez fékk boltann í bringuna og í eigið net eftir fyrirgjöf frá vinstri.

Lecce tvöfaldaði forystuna tuttugu mínútum síðar er Federico Baschirotto skoraði með skalla eftir vel útfærða hornspyrnu.

Meistararnir svöruðu í síðari hálfleik. Rafael Leao minnkaði muninn á 58. mínútu og tólf mínútum síðar jafnaði Davide Calabria með skalla.

Þórir Jóhann Helgason sat allan tímann á bekknum hjá Lecce en hann er að koma til baka eftir meiðsli. Milan er í 2. sæti með 38 stig en Lecce í 12. sæti með 20 stig.

Monza vann þá Cremonese í nýliðaslag, 3-2. Gestirnir í Monza náðu þriggja marka forystu í leiknum. Patrick Ciurria skoraði á 8. mínútu og þá bætti Gianluca Caprari við tveimur mörkum, annað þeirra úr víti. Cremonese kom til baka í síðari hálfleik en það reyndist of seint.

Úrslit og markaskorarar:

Cremonese 2 - 3 Monza
0-1 Patrick Ciurria ('8 )
0-2 Gianluca Caprari ('19 , víti)
0-3 Gianluca Caprari ('55 )
1-3 Daniel Ciofani ('67 )
2-3 Cyriel Dessers ('83 )

Lecce 2 - 2 Milan
1-0 Theo Hernandez ('3 , sjálfsmark)
2-0 Federico Baschirotto ('23 )
1-2 Rafael Leao ('58 )
1-3 Davide Calabria ('70 )