KA vann þriðja leik sinn í Kjarnafæðismótinu í ár er liðið gjörsigraði Völsung, 4-0, í Boganum í dag.

Eftir markalausan fyrri hálfleik gengu gulklæddir á lagið og skoruðu fjögur mörk.

Andri Fannar Stefánsson og Hallgrímur Mar Steingrímsson skoruðu með mínútu millibili þegar tæpur hálftími var eftir og þá kom Árni Fjalar Óskarsson boltanum í eigið net þegar níu mínútur voru eftir.

Ásgeir Sigurgeirsson rak síðan síðasta naglann í kistu Völsungs undir lok leiks.

KA hefur unnið alla þrjá leiki sína í riðli 1 í A-deild og er með markatöluna 18:0. Völsungur er á meðan í 3. sæti með 1 stig.