Erik ten Hag stjóri Manchester United hefur byrjað feril sinn hjá félaginu frábærlega en liðið hefur tækifæri til að komast sex stigum frá toppnum með sigri á Manchester City í dag.
Ten Hag tók við liðinu undir lok síðasta tímabils en liðið hefur verið í miklum erfiðleikum eftir að Sir Alex Ferguson hætti með liðið á sínum tíma.
Ten Hag vitnaði í Sir Alex þegar hann var spurður út í titilbaráttuna á fréttamannafundi fyrir stórleik dagsins.
„Ég hugsa ekki um hana, ég veit að það snýst um að vera á toppum en ég læt mig ekki dreyma. Ég þarf að þróa liðið. Það er janúar og deildin ekki hálfnuð. Ekki ræða þetta, Sir Alex sagði að deildin byrji í apríl," sagði Ten Hag.
Liðið hefur aðeins tapað einum leik af síðustu fjórtán í öllum keppnum.
Athugasemdir
