16-liða úrslitin í Meistaradeildinni halda áfram í kvöld þar sem Liverpool heimsækir Porto og Real Madrid leikur við PSG.
Sigurbjörn Hreiðarsson aðstoðarþjálfari Vals og Tryggvi Guðmundsson markahrókur hafa undanfarin ár verið sérfræðingar Fótbolta.net í Meistaradeildinni og þeir verða þar áfram í ár.
Fótbolti.net kemur með sína spá en keppni er í gangi þar sem 3 stig eru gefin fyrir hárrétt úrslit og 1 stig fyrir rétt tákn.
Sigurbjörn Hreiðarsson aðstoðarþjálfari Vals og Tryggvi Guðmundsson markahrókur hafa undanfarin ár verið sérfræðingar Fótbolta.net í Meistaradeildinni og þeir verða þar áfram í ár.
Fótbolti.net kemur með sína spá en keppni er í gangi þar sem 3 stig eru gefin fyrir hárrétt úrslit og 1 stig fyrir rétt tákn.
Sigurbjörn Hreiðarsson
Porto 2 - 2 Liverpool
Liverpool baneitraðir í hröðum upphlaupum en á móti hriplekir. Porto með mikla reynslu í keppninni en það hjálpar þeim bara í jafntefli að þessu sinni.
Real Madrid 3 - 2 PSG
Fer 3-2 í mögnuðum leik þar sem sóknarleikur verður í fyrrirúmi. Real búnir að bíða eftir að keppnin byrji aftur og PSG ógnasterkir, verður eitthvað.
Tryggvi Guðmundsson
Porto 2 - 1 Liverpool
Ætla að vera nokkuð djarfur hér og spá Porto sigri. Grunar að léttleikandi lið Porto fari mikið upp kantana á bakverði Liverpool og negli menn á Salah og Firminho. 2-1 fyrir Porto en afskaplega mikilvægt útivallamark Liverpool engu að síður.
Real Madrid 2 - 1 PSG
Úff hér mætast tvö lið stútfull af stórum nöfnum. Hreinn og beinn 1X2 leikur á getraunaseðlinum góða en ég hallast á heimasigur og mun alls ekki missa hökuna í gólfið ef Ronaldo skori mark.
Fótbolti.net - Magnús Már Einarsson
Porto 1 - 2 Liverpool
Liverpool hefur skorað 23 mörk í Meistaradeildinni í vetur og liðið nær að bæta tveimur við í kvöld. Firmino og Mane skora mörkin. Þrátt fyrir góða frammistöðu Karius í markinu þá ná heimamenn einu marki.
Real Madrid 2 - 1 PSG
Við fáum flottan leik í Madrid. Sögurnar um að Neymar sé á leið til Real Madrid í framtíðinni trufla Brasilíumanninn og hann nær sér ekki á strik á Santiago Bernabeu. Real vinnur nauman sigur og pressan á Zidane minnkar í nokkra daga.
Staðan í Meistaraspánni:
Fótbolti.net 2
Sigurbjörn 1
Tryggvi 1
Athugasemdir