Þessi öflugi belgíski miðjumaður kom frá Fulham 2012 en meiðsli hafa hamlað ferli hans í norðurhluta London.

Dembele var geggjaður í sigri Tottenham gegn Arsenal um síðustu helgi og líka í 2-2 jafnteflinu gegn Juventus í Meistaradeildinni í gær.

Ferdinand segir að þessar frammistöður séu þó of sjaldgæfar frá Dembele.

„Ég ætla að vera hreinskilinn. Mousa hefur ollið mér vonbrigðum. Ég hélt að hann myndi verða næsti leikmaður sem færi frá Spurs og yrði keyptur til Real Madrid," segir Ferdinand.

„Hann er með hæfileikana til þess. Hann hefur orðið fyrir nokkrum meiðslum en hann hefur ekki náð þeim hæðum sem ég hélt að hann myndi ná. Þegar hann spilar sérðu hversu mikilvægur hann er."

Liðsfélagar Dembele hjá Tottenham hafa miklar mætur á honum og velja hann nær undantekningalaust sem besta leikmann liðsins í viðtölum.